Subsequent Heart Attack after COVID - Dr. Yogesh Jamage

एल आय सी एजन्ट म्हणुन काम करणार्या ३५ वर्षाच्या युवकाला कोव्हीड नी गाठलं. त्यामुळे तो युवक कोव्हीड केअर सेंटर मध्ये ॲडमीट झाला. तिथे १४ दिवस औषध उपचार घेतल्यानंतर हा युवक बरा झाला, आणी तिथुन त्याला डिसचार्ज मिळाला व तो घरी परतला, घरी परतल्याचा आनंद होताच कारण माहामारीतुन धडधाकट होऊन परत आला होता, पण हा आनंद फार काळ टिकला नाही. घरी आल्या नंतर तिसर्याच दिवशी त्याला अस्वस्थ वाटु लागलं, छातीत दुखु लागलं. म्हणुन हा युवक फिजीशीयन कडे गेला , फिजीशियन डाॅक्टर नी त्याचा ईसीजी केला, तेव्हा इसीजी मध्ये त्याला हार्ट ॲटॅक (Heart Attack) चालु असल्याच स्पष्ट झालं , तेव्हा फिजीशियन डाॅक्टर नी त्याला त्वरित माझ्याकडे पाठवले( Dr. Yogesh Jamage - Cardiologist) मी या युवकाला त्वरित भारती हाॅस्पिटल मध्ये शिफ्ट केल. आणी त्याला त्वरित रक्त पातळ होण्याची औषधे सुरु केली. जेणेकरुन त्याच्या छातीत दुखणं कमी होईल. पण या औषधांचा या युवकांवर काही परिणाम झाला नाही. त्याच्या छातीत दुखणं चालुच होतं. म्हणुन मी त्याची त्वरित एन्जिओग्राफी केली , तर एन्जिओग्राफी मध्ये त्याचा डाव्या बाजुच्या रक्तवाहीनी मध्ये १००% ब्लाॅक आढळून आला. म्हणुन त्यांच्यावर मी बलुन एन्जिओप्लास्टी केली तरि पण रक्तवाहीनी मध्ये ब्लाॅक होता. रक्ताच्या गुठळ्या कमी करण्यास रक्तपातळ होण्याची औषधे रक्तवाहीनी मध्ये (Intracoronary Tirofiban)दिले. तेव्हा तिथे स्टेन्ट घातला असता तर अजुन रक्ताच्या गुठळ्या वाढल्या असत्या त्यामुळे मी स्टेन्ट न घालता रक्तपातळ होण्याची औषधे (Heparin) सुरु केली. पण कोरोना मुळे त्याच्या रक्ताच्या गुठळ्या होण थांबतच नव्हत्या. कारण सध्या कोव्हीड रुग्णांना रक्ताच्या गुठळ्या होणे या समस्या जाणवत आहेत .

कोव्हीड नंतर रुग्णांच्या ह्दयाच्या रक्तवाहीनी मध्ये ,ह्दयामध्ये, फुफुसामध्ये, पायाच्या शिरांमध्ये रक्ताच्या गुठळ्या होण्याचं प्रमाण दिसुन येत आहे. त्यामुळं या गुठळ्या या युवकामध्ये सतत होत होत्या . त्याला रक्त पातळ होण्यासाठी पुढच्या २४ तासांसाठी औषधे व इन्जक्शन (Anticoagulation) सुरु केली व हेच उपचार त्याच्यावर पुढील ४ दिवस केले. चौथ्या दिवशी या युवकाला बरे वाटु लागले. ना त्याला छातीत दुखत होते ना त्याला धाप जाणवत होता.५ व्या दिवशी मी पुन्हा त्याची एन्जीओग्राफी केली तर एन्जिओग्राफी मध्ये हे दिसुन आले की त्याच्या ह्दयाच्या रक्तवाहीन्यांमध्ये जो ५ दिवसांआधी १०० % ब्लाॅक होता तो पुर्णपणे नाहीसा होऊन त्यामध्ये आता गुठळ्या राहीलेल्याच नव्हत्या ,या ब्लाॅक झालेल्या रक्तवाहीनीतुन आता सुरळीत रक्तप्रवाह चालु होता. वेळेवर या युवकाचे निदान होऊन, योग्य उपचार वेळेत केल्याने या युवकाला स्टेन्ट घालण्याची गरज भासली नाही (एन्जिओप्लास्टी).

कोरोना रुग्णांना आजारानंतर शरीरात रक्ताच्या गुठळ्या होण्याचे प्रमाण वाढले आहे , तेव्हा जर आपणांस असा काही त्रास जाणवल्यास त्याकडे दुर्लक्ष न करता त्वरित डाॅक्टरांचा सल्ला घ्यायला हवा कारण कोरोनातुन आपण बरे झालो तरी कोरोनानंतर होणारे हे दुष्परिणाम मात्र घातक ठरु शकतात.